上篇我地集中講左滋潤型眼藥水同眼藥水ge使用步驟，今次會講多少少眼藥水成份同點樣保存啦，原來都大有學問㗎🤓！
眼藥水迷思3️⃣：眼藥水功能越多越好🤔🤔？
答：唔一定，功能愈多代表成分相對較多，而且並非所有成份都適合長期且頗密使用，例如市面上標榜去紅筋嘅眼藥水，如長期使用有可能會引致更嚴重嘅紅筋，陷入惡性循環😱。呢類成分多以「-zoline」作字尾，例如Naphazoline。如遇上拍照、宴會等重要場合，想極速消除紅筋，可短暫使用有去紅筋成分嘅眼藥水急救用🚨。另需注意含類固醇嘅眼藥水，長期使用會造成眼壓過高，甚至視力受損，導致青光眼等嚴重後果👀。
如只想處理因眼乾引起嘅紅筋，用滋潤型眼藥水 / 不含防腐劑嘅人工淚液會更好👍🏻。如果係其他因素出現紅筋，例如係結膜炎，就應該先針對處理背後嘅症狀。
眼藥水迷思4️⃣：眼藥水要好似蔬果咁放入雪櫃？係咪可以延長保質期？
答：一般眼藥水只需放於陰涼、乾燥位置，除非特別標明「需冷藏保存」， 否則唔需要放入雪櫃。千祈唔好誤以為冷藏後冰涼嘅眼藥水🧊可以舒緩眼睛疲勞或去除紅筋，咁做反而會刺激眼睛，容易引起不適、傷害結膜🥹。製藥公司已經將一般眼藥水設計成開蓋後可儲存係室温，無需放入雪櫃。冷藏溫度亦有機會影響藥物溶解度，令眼藥水出現沉澱同影響藥效。從雪櫃取出眼藥水時，溫差容易積聚濕氣/倒汗水，令眼藥水變質。
大部份眼藥水開蓋一個月後就會過期，建議開封眼藥水時記低日期📅。 獨立裝眼藥水則建議開蓋後盡快用完，即使一次過滴唔完都唔建議留低重用，否則有機會滋生大量細菌🦠。
💊醫護行社區藥房💊
☎️電話：3596 3141
📞WhatsApp / Signal：6778 9581
📌地址：新界葵涌葵昌路54-56號貿易之都901室
星期一：10:30am – 1pm; 2pm – 7:30pm
星期二：9am – 1pm; 2pm – 6pm
星期三：9am – 1pm; 2pm – 6pm
星期四：2pm – 7:30pm
星期五：9am – 1pm; 2pm – 6pm
星期六：9am – 1pm
星期日及公眾假期：休息
*藥房會於閉門時間前15分鐘截龍*
