🧑🏻⚕️藥劑師：「張伯伯，呢款薄血藥一日食兩次，平時你係咩時間食㗎？」
👴🏻張伯伯：「平時我朝早一次過食哂佢，費事唔記得嘛。都係一日兩粒，應該無問題？」
🧑🏻⚕️藥劑師：「咁樣一次過食哂兩粒藥會令藥效唔穩定，唔單止有機會增加副作用嘅風險，之後仲會唔夠保護力㗎……」
藥劑師提提你🔔
好多老人家為求方便就一次過食哂幾款藥物💊，但每款藥係身體入面持續嘅時間都唔同，有啲藥只需每日一次，有啲藥則要每日食幾次。服藥指示嘅目的係令藥物濃度係體內維持係一個合理水平，從而有效地治療或預防疾病。而張伯伯食緊嘅薄血藥係一款抗凝血藥，可以幫助患有心率不正嘅人士降低中風或心肌梗塞嘅風險。一次過食哂兩粒反而會令藥物濃度飆升，仲有機會增加出血🩸嘅風險 (例如出現異常嘅瘀青、流牙血、黑便、有傷口時流血不止等)。當其餘時間得唔到藥物保護，仲會增加中風及心肌梗塞嘅機會。如果驚唔記得食藥，可以嘗試配合自己生活習慣，或者預先校定鬧鐘，再唔係麻煩屋企人或朋友打電話提醒自己亦得。唔跟指引用藥反而會弄巧反拙，甚至引致嚴重後果，🙅🏻千祈唔好貪圖一時方便而亂食藥啊！
點知自己應該幾時用藥？⏰
一日一次：每日固定時間用藥
一日兩次：早晚，相隔約 12 小時用藥
一日三次：三餐，相隔約 6-8 小時用藥
一日四次：相隔約 4-6 小時用藥
如果屋企人同時用緊幾款藥物，但又唔識點安排用藥時間或者覺得好混亂，不妨考慮使用本藥房嘅藥物管理計劃服務🌟。藥劑師會提供專業用藥評估同諮詢服務，方便長期服藥人士同照顧者共同管理藥物，並按個別需要訂立健康同藥物管理計劃。此服務費用全免，只要符合條件，即可隨時預約本服務。欲了解更多詳情，可以WhatsApp 6778 9581查詢。
💊醫護行社區藥房💊
☎️電話：3612 9515
📞WhatsApp / Signal：6778 9581
📌地址：新界葵涌葵昌路54-56號貿易之都901室
⏰開放時間
星期一、四：10:30am – 1pm; 2pm – 7:30pm
星期二、三、五：9am – 1pm; 2pm – 6pm
星期六：9am – 1pm
星期日及公眾假期：休息
